Ən çox verilən suallar
Qərbi Kaspi Universitetində hansı ixtisaslara qəbul aparılır?
Qərbi Kaspi Universitetinin qəbul apardığı ixtisasların siyahısı ilə aşağıdakı linkdə tanış olmaq mümkündür:
https://wcu.edu.az/az/page/undergraduate-programs
Qeydiyyat üçün lazım olan sənədlər hansılardır?
Qeydiyyatdan keçmək üçün aşağıdakı sənədlər tələb olunur:
* Attestatın əsli
* Foto şəkil (6 ədəd) (3x4)
* Şəxsiyyət vəsiqəsinin surəti
* Tibbi arayış
* Oğlanlar üçün hərbi arayış və ya hərbi komissarlığın qeyd olunma haqqında şəhadətnamənin surəti
* Təhsil haqqı
* İş nömrəsi və şifrə
Kimlər pulsuz təhsil ala bilər?
- Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olmuş; Azərbaycan Respublikasının azadlığı, suverenliyi və ərazi bütövlüyü uğrunda həlak olmuş; Hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların övladlarının təhsil haqqı Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli qərarı ilə təsdiq edilmiş təhsil xərcləri miqdarında dövlət büdcəsinin vəsaiti hesabına ödənilir.
- Hər iki valideynini itirmiş; valideyn himayəsindən məhrum olmuş yaxud bir valideyni vəfat etmiş və o biri valideyni I yaxud II qrup əlil olan 23 yaşınadək tələbələrin təhsi haqqı dövlət büdcəsinin vəsaiti hesabına ödənilir.
- I və II dərəcə əlilliyi olan şəxslər, habelə sağlamlıq imkanları məhdud 18 yaşınadək uşaqların təhsil haqqı tam miqdarda dövlət büdcəsinin vəsaiti hesabına ödənilir.
Dövlət sifarişli yerlər varmı?
Bəli, bütün ixtisaslar üzrə dövlət sifarişli yerlər də təkilf olunur.
2019-cu ildə V ixtisas qrupu üzrə Qərbi Kaspi universitetində hansı ixtisaslar üzrə qəbul aparılacaq?
Universitetimizdə V ixtisas qrupu üzrə dizayn ixtisasına qəbul aparılır. V qrupu seçən abituriyentlərin qabiliyyət imtahanı da verəcəklər.
Qərbi Kaspi Universiteti tələbələrin xaricdə təhsilinə dəstək verirmi?
Qərbi Kaspi Universiteti bir sıra mübadilə proqramlarının iştirakçısıdır. Universitetin beynəlxalq əməkdaşlqı şəbəkəsi dünyanın 200-dən artıq təhsil müəssisəsini əhatə edir. Bu tərəfdaşlıq layihələri Erasmus+, Mövlanə tələbə mübadilə proqramlarını, magistr kurslarını, müxtəlif formatlı və məzmunlu yay məktəblərini və s. əhatə edir. Tələbələrimizin xaricdə təhsili üçün maksimal şəkildə dəstək veririk. Bu dəstək həm bir sıra tələbə mübadilə proqramları çərçivəsində, həm də dünyanın 4 aparıcı universiteti ilə birgə həyata keçirdiyimiz ikili diplom layihələri və MBA proqramında üçlü diplom layihəsi (eyni zamanda ikili diplom) çərçivəsində reallaşdırılır.
Keçid balı 150 olan ixtisaslar hansılardır?
Qərbi Kaspi Universitetində 9 ixtisas üzrə 150 bal müsabiqədə iştirak balı kimi qəbul olunub.
Bu ixtisaslar aşağıdakılardır:
I qrup
1. Meşəçilik
II qrup
1. Marketinq
2. Biznesin idarə edilməsi
3. Regionşünaslıq
4. Turizm işinin idarə edilməsi
III qrup
Sosial iş
IV qrup
1. Su bioehtiyatları və akvakultura
Bütün ixtisaslar və onların illik haqlarını necə öyrənə bilərəm?
Bütün ixtisaslarımız və onların illik təhsil haqları barədə saytımızda məlumatlar əksini tapır: https://wcu.edu.az/az/page/undergraduate-programs
Mən texnikumda dövlət hesabına təhsil almışam. Ali məktəbə dövlət hesabına daxil ola bilərəm?
Bəli, sizin ali təhsil müəssisəsində dövlət hesabına təhsil almaq hüququnuz var. Siz yenidən dövlət hesabına orta ixtisas təhsili ala bilməzsiniz.